100 persone – dezember 2026 – gz heuried
dresscode: klassisch – anschüscht party mit DJ und bar
für schüeler*inne vo de 6. klass vo de kantosschuel freudeberg und deres umfeld (16- bis 18-jährige)
kontaktperson für frage: Sebastian Zürcher (077 529 03 05 / sebastian@kfrevents.ch)
Ziel
De adventball söll es highlight vom schueljahr werde. Au söll er en belohnig für d schüeler*inne vo de 6. klasse sii, wo täg vorher ihri maturarbeit abgeh müend. Wiiter wend mir mit em adventball de überklasslichi zemehalt und s durchmische vo fründesgruppe erreiche, was en offenere ustusch zwüsched de schüeler*inne ermöglicht.
.
Herusforderig
Für schüeler*inne und jugentliche im allgemeine fehled bsunders im winter oft ört, wo sie mit glichaltrige öppis erlebe chönd. Vieli ört sind zu tüür, zu chalt, zu unsicher oder heissed jugentliche nöd willkommen. De wunsch nach partys und ähnlichem isch aber gross. Clubs und Bars sind tüür und erschteri für ein grosse teil vo eusem zielpublikum nonig zuegänglich. Au fühled sich viele, zu recht, unwohl unter so vielne, teil dütlich ältere männer. Es fehled günstige, sicheri und eher es bizli chlineri verastaltige, wo aber trozdem proffesionell organsiert sind.
Massnahmen
De Adventball wird vo schüeler*inne vo de kantonsschuel freudeberg für anderi schüeler*inne organisiert. Mir wüssed daher genau, was d nachfrag isch. Zudem isch d verastaltig genau richtig distanziert vo de schuel. Nöd znöch und ermöglicht so en lockere und offenere ustusch ohni die permanenti kontrolle dur lehrpersone. Aber au nöd zu fern: D bsuecher kenned die meischte andere scho. Es git also kei anonymität was scho die viele unabrachti situatione vorbügt.
Au sind mir stolz druf eusi verastalltige für euse kontext sehr professionell z organisiere. Mir haltet eus selbstverständlich strikt a alli vorgabe, bütet karte und twint zahlige ah, versichered eusi veranstallige, organisiered proffessionelles sicherheitspersonal, nutzed nume glas für eusi getränk, de iilas isch mit enere uswiiskontrolle verwunde usw. So büted mir de schüeler*inne ein proffesionelle alass imene familiäre rahme.
Wirkung
De Adventball schafft es highlight für schüeler*inne, die an dem abig schüscht entweder allei dihei gsi wäred, irgendwo i de öffentlichkeit sich umetriebe hätted oder inere übertürte bar gsi wäred. Zudem stärked mir de ustusch und de zemmehalt unter de schüeler*inne.