Über eus

kfrevents isch en unabhängige verein us züri wo im Februar 20256 vo Schüler*inne gründet worde isch. 

Mir organisieret verastaltige für schüeler*inne sowie alumni vo de kantonsschule freudenberg. Im moment sind das ein ball und ei abschlussparty jedes jahr. Das isch nume dank euse mitglieder und helfer*inne möglich wo sehr viel freiwillige arbeit leischtet sowie durch spende und sponsoring biiträg.

Euses ziel isch es mensche, isbesunderi schüeler*inne vo de kantonsschule freudeberg und deres umfeld nöcher zemme zbrige, idem mir mit eusne verastalltige en offene ustusch, en bessere überklassliche zemehalt und unvergesslichi moment schaffed.

Für schüeler*inne und jugentliche im allgemeine fehled bsunders im winter oft ört, wo sie mit glichaltrige öppis erlebe chönd. Vieli ört sind zu tüür, zu chalt, zu unsicher oder heissed jugentliche nöd willkommen. De wunsch nach partys und ähnlichem isch aber gross. Clubs und Bars sind tüür und erschteri für ein grosse teil vo eusem zielpublikum nonig zuegänglich. Au fühled sich viele, zu recht, unwohl unter so vielne, teil dütlich ältere männer. Es fehled günstige, sicheri und eher es bizli chlineri verastaltige, wo aber trozdem proffesionell organsiert sind. 

Und genau da chömed mir mit eusne verastalltige is spiel.

Bi kfrevents und eusne verastalltige sind selbstverständlich alli herzlich willkomme. Dur en lockeri und entspannteri stimmig als im schuelalltag ermögliched mir en offenere ustusch. Mir sind eus allerdings au bewusst, dass sötigi verastalltige insbesunderi sötig mit alkoholusschank risike mit sich brigend. Deshalb halten mir eus strikt an alli vorgabe, insbesunderi uf bezug uf d personeobergrenzi und d brandschutzbestimmige. Des wiitere isch bi sötige verastaltige immer gschuelts sicherheitspersonal awesend und dverastaltige werded versicheret. Zudem setzet mir uf awereness-plakat und persone die sich respektlos, diskriminierd, rassistisch oder sexistisch verhalted/üssered werded ohni verwarnig vo de verastaltig usgschlosse. Mir verwednded usschlüsslich glas für euse geränk und entsorged alli abfall trennt. Au bütet mir gratis wasser und dütlich günstigeri alkoholfrei getränk a.

Eusi verastalltige finanziered sich hauptsächlich durch ticketpriise, dazue chömed spende- und sponsoringbiiträg. D barpriise sind so usgleit das sozege kein gwünn entsaht a de bar. Au eusi ticketpriise sind je nach spede- und sponsoringvolume so usgleit das kein gwünn entstaht, afäligi überschüss werden in zuekünfigi verastalltige investiert.